Sangka 51-anyos nga eaeaki sa Kinross, England ro nag-duyan sa swing sa sueod it 36 oras para maeakip sa Guinness Book of World Records.
Nag-umpisa nga mag-swing si Richard Scott it 6:10 a.m. ko Mayo 14 sa Loch Leven’s Larder playground ag natapos imaw ko Mayo 15 it gabi-i.
Agud nga indi maka apekto sa anang ikamayad nga eawas ro record breaking attempt, may pahanugot ro Guinness nga makaangkon imaw it 5 minute break sa kada sang oras it pag-pungko sa swing.
Gintipon ni Scott ro anang breaktime agud nga makadupilok sa sueod it 12 minutes.
Suno kay Scott, mabahoe nga bulig ro anang pagdupilok rason nga nakabuhay imaw it 36 hours sa swing.
Ro previous record holder it titulo hay si Quinn Levy nga nagbuhay it 34 hours sa anang swing marathon.
Suno kay Scott nga unga pa eamang imaw hay handum eon nana nga mag-swing marathon.
Mag-eowas kara, mabahoe nga dungog kana nga mabasa ro anang kaugalingon nga pangaean sa Guinness Book of World Records
