Nagtaas ro flag down rate it mga taxi sa Western Visayas eabi eon sa siyudad it Iloilo nga halin sa P45 hay naging P50 eon makaron.
Raya hay matapos nga gin-aprubahan it Land Transportation Franchising and Regulatory Board (LTFRB)– Central Office ko nagtaliwan nga Marso 18, 2024 ro request it taxi associations nga pasakaan it limang piso ro flag down rate it taxi sa bilog nga nasyon.
Sakop it P50 nga flag down rate ro parehong aircon ag non-aircon units.
Apang, ginpa-athag ni LTFRB-6 officer-in-charge Atty. Salvador “Jun” Altura nga antes makapanukot it P50 nga flag down rate ro mga taxi drivers, kinahangean nga magbo-oe anay sanda it taripa ukon fare matrix sa LTFRB-6 Regional Office 6.
Kun owa it bag-o nga fare matrix, indi pwede nga makapanukot it P50 nga flag down rate ro taxi drivers bangud nga raya hay sangka pag-eabag sa “overcharging”.
