KALIBO, Aklan—Nagapati ro sangka football enthusiast sa probinsiya it Aklan nga makasueod sa semi-finalis ag quarterfinals it FIFA World Cup 2022 ro team it England, Spain, Portugal ag Japan.
Suno kay Kyle Justine Marcelino, sangka player ag coach it football sa probinsiya it Aklan nga ro nasambit nga mga team hay naga angkon it unique nga set of players ag may kanya-kanyang estratehiya nga naga-aywan it impresibong impression sa mga naga-abang sa world cup.
Samtang, ginpaathag ni Marcelino nga matapos ro group stage, pagahiwaton ro knockout stage it FIFA World Cup.
Raya ro ikaywa ag final stage it kompetisyon.
Paga-umpisahan sigon raya sa December 3 kaibahan ro team nga nakasueod sa top 16.
Magatapos sa December 18 ro hampang kun sa siin ro final match hay pagahiwaton sa Lusail Iconic Stadium.
Ro daywang nagapangunang teams halin sa kada grupo nga may 16 sa pangkabilugan ro makasueod sa knockout stage agud nga sumabak sa single-elimination style tournament.
Ro play-off para sa third place hay pagahampangon it daywang teams nga napierde sa semi-finals.
Sa knockout stage, kon ro hampang hay patas sa pagtapos it 90 minutes nga normal nga playing time, magataeana it extra time nga daywang 15 minutes.
Apang kon patas gihapon ro resulta pagkatapos it extra time, pagadesisyunan ro hampang pinaagi sa penalty shoot-out agud nga matumod ro winners.
