Kalibo, Aklan-Nagbisita sa Aklan ro Former Minister of Japan nga si YuJi Yamamoto ag ro presenteng sekretaryo it Department of Agriculture nanda kahapon nga adlaw, Hulyo 16 kun siin nga sanda ra hay ginsug-aeaw it mga mataas nga opisyal it probinsiya.
Suno kay Sangguniang Panlalawigan Board Member Nemesio Neron nga katuyuan kara nga ipresenta ro Kochi Prefecture sa Shikoko Island sa Japan nga sangka well-developed nga lugar apang maabo pa ro kinahang-ean nga trabahuhon apang sanda hay kueang sa populasyon.
Raya ro rason kun haman gusto nanda it partnership sa Aklan bangud ginakabig nanda ro mga Aklanon nga mahugod nga mga tawo.
Dugang pa ni Neron nga sa ginapromote man sigon sa Japan ro tren bilang mode of transportation.
Nagakabaeaka man ro Japan bangud nga uwa sanda it workers ag bisan mga tigueang hay gatrabaho nga resulta it andang manaba nga populasyon.
Ginasaligan man sigon nga magabaton it sobra P100,00 monthly wage ro mga magatrabaho idto.
Panigurado pa sigon nga bantayan ag tatapon it Japanese government ro mga magatrabaho idto sa andang nasyon.
Para kay Neron makabig nga raya hay mabahoe nga bulig ag nagahinyo gid ro former prime minister, sanda man ro maga-asikaso sa mga papeles ag raya hay government to government nga transaksyon.
Paathag ni Neron nga mahimo magdangop kay Marsh Bernabe ro Head it PESO Aklan ag mahimo man mangayo it recommendation halin sa gobernador.
