KALIBO, Aklan—Ginaeauman nga mas pang magabuhos ro mga pasahero sa nagkaeain-eain nga terminal sa probinsiya hasta sa katapusan it buean ukon antes nga mag-bisperas it bag-ong dag-on.
Raya ro ginpahayag ni Juan Catalan, dispatcher it ceres bus terminal sa Barangay Estancia, Kalibo sa tunga it padayun nga pag-abu it mga pasahero nga magaselebrar it paskwa sa andang natungdan nga probinsiya.
Sang adlaw antes ro bisperas it paskwa, nagapabilin nga normal ro numero it mga pasahero kapareho it regular nga adlaw, kun sa siin, bukon man it punuan ro andang mga bus nga nagaguwa ag nagapasueod sa probinsiya.
Posible suno kana nga nagatipid ro mga tawo sa atubang it mataas nga presyo it mga baeak-eon rason nga pila eamang ro nagabiyahe.
Samtang, ginpahayag ni Catalan nga nagpatuman sanda it adjustment sa pamasahe, apang sangkiri ukon sinintimos eamang.
Ro ordinary fare makaron halin sa Tagbak to Kalibo hay P285 ag ro estudyante hay P228 samtang sa aircon bus hay P353 ag ro estudyante hay P282.
