KALIBO, Aklan—Ginatos ka mga Overseas Filipino Workers (OFWs) ro nagpahayag it kagustuhan nga mag-uli it nasyon kadungan it pagrepatriate sa ap-at ka mga Filipino nga namatay bangud sa mabaskog nga pagsabog sa Beirut, Lebanon.
Suno kay Bombo International Correspondent Jenelyn Recasas Ta-ay, prayoridad makarun it embahada it Pilipinas nga maayudahan ro mga owa it papeles nga Pinoy OFWs ag mga naninahan tuga it pagsabog.
Ginaeauman nga maga-abot sa nasyon ro mga raya sa Agosto 16.
Ginapahayag dugang, antes pa man natabo ro massive explosion maabo eon nga mga OFW ro nagpabutyag nga magabalik eon it nasyon bangud sa krisis nga ginapangatubang it nasyon kaibahan eon kara ro krisis sa dolyar ag nagapadayun nga paeag it Coronavirus Disease 2019 ukon COVID-19 pandemic.
