KALIBO, Aklan—Nakataeanang magasumite it rekomendasyon ro ginbilog nga technical working group sa Boracay Inter-Agency Task Force para sa ginaduso nga pagbukas it isla it Boracay sa mga dumueuong nga turista pinaagi sa travel bubble.
Suno kay Malay mayor Frolibar Bautista nga posible nanda raya nga isumite sa Huwebes ukon Biyernes nga adlaw.
Nasayuran nga target it provincial government nga buksan ro isla pinaagi sa travel bubble sa mga taga- South Korea matapos nga pilang mga airline companies ro may direct flight sa Incheon ag Kalibo International Airport.
Ro technical working group hay gintaeana nga magtalakay sa mga detalye it kasugtanan sa tunga it provincial government ag Boracay stakeholders antes nga magpresentar ro mga plano sa task force.
Ko Agosto 13, kapin sa 164 nga accommodation establishments sa Boracay ro nataw-an eon it Certificate of Authority to Operate, kun sa siin 6 sa mga raya ro may provisional nga CAO.
Ro nasambit nga 164 establishments hay may 3,377 rooms base sa datus it DOT-Western Visayas.
