KALIBO, Aklan—Ginkalipay it mga Overseas Filipino Worker (OFW) sa Zurich, Switzerland nga makita ag maka-istorya it personal si Pangueong Ferdinand Marcos Jr. antes raya magbyahe pabalik sa Pilipinas matapos ro pagtambong sa ginpatigayun nga World Economic Forum 2023.
Suno kay Bombo International Correspondent Zaihra Eguis Schnider nga bandang ala-1:00 it hapon nag-abot sa natungdan nga venue ro presidente.
Engkaso nga mataw-an it tyansa, gusto sigon nana nga maipangutana sa pangueo ro pila ka mga isyu partikular ro masyadong mataas nga presyo it baeak-eon sa Pilipinas, uman nga pagtaas it krimenalidad, estado it edukasyon kamana man nga ma-eksplikar kanda ro kaundan it Maharlika Investment Fund.
Gusto sigon nanda nga masayuran kung ano ro plano it pangueo para masolusyon ro natungdan nga mga problema.
