KALIBO, Aklan–Sigidas eon ro ginapatigayun nga mga serye it pagpueong it gobyerno probinsyal sa tunga it nagahilapit nga 67th Aklan Day celebration.
Suno kay Roselle Ruiz, Provincial Tourism Officer nga masako eon ro andang linyada sa pagpahaum it nagkaeain-eain nga programa ag aktibidad.
Eauman suno kana nga mas makolor ro selebrasyon makaron nga dag-on kumpara ko 2022.
Nagtaeana man ro taeatapan it mas mahaba nga oras para sa okasyon nga maga-umpisa halin Abril 17 hasta Abril 28.
Pila sigon sa paga-eauman nga aktibidad hay ro Civic Parade, Agri-industrial Fair, Piña Fiber Festival, Tsibugan Sa Kapitolyo, Fashion Show, Outstanding Aklanon, Sports Fest, Art Exhibit, Dog Show kamana man nga may DepEd ag PNP night ag maabu nga iba pa.
Dugang pa ni Ruiz nga nagtaeana sanda it nagkaeain-eain nga programa ag aktibidad sa sueod it 12 diyas nga selebrasyon.
