KALIBO, Aklan—Nagapati si Cathy Estavillo, spokesperson it grupong Bantay Bigas ng Pilipinas nga ro pagmahae it bugas hay bangud nga raya hay ginadumaeahan it pribadong mga traders, millers ag mga importer bangud sa pagsalaye it Rice Liberalization Law.
Halin sigon kat gintukod ro National Food Authority hay dapat raya ro nagaregulate it presyo it mga bugas pati man sa pagsiguro it mataas nga presyo it paeay paagi sa pagbakae sa mataas nga presyo.
Apang bangud sa Rice Liberalization Law hay naging buffer stock eun lang ro naging papel it NFA rason nga mas nagatinaas ro presyuhanan it mga bugas.
Ginapatihan nga sa idaeom it laye hay magiging competitive ro mga mangunguma bangud sa mga makabag-ong machineries, subsidies, trainings ag loans it apang sa sueod it haeos limang dag’on nga pagpatuman kara hay nahigot eamang ro nasyon sa importasyon.
Bangud kara, panawagan nanda nga ibasura ro nasambitan nga layi agud nga eubus nga mabuligan ro mga kubos nga mangunguma.
