-- ADVERTISEMENT --
Ginpahayag it Malacañang nga dipende kay Pangueong Rodrigo Duterte ro tanan engkaso nga maimbitar imaw para magserbi bilang anti-drug czar it pasueod nga administrasyon ni President-elect Ferdinand Marcos Jr.
Suno kay deputy presidential spokesperson Kristian Ablan nga samtang kay Duterte ro desisyon, maabu ro nagapati nga ro outgoing President hay gina-abangan ro anang pagretiro.
Nauna eon nga ginpahayag ni President-elect Ferdinand Marcos Jr nga haum imaw sa desisyon nga paga-ubrahon nga drug czar si Pangueong Duterte sa anang administrasyon.
Dugang pa ni Marcos Jr., ginhambaean imaw ni Duterte nga padayunon ro kontrobersyal nga giyera kontra sa ilegal nga droga.
