KALIBO, Aklan–Ginkontra it sangka batikang abogado sa probinsya it Aklan ro hagna ni Sen. Jinggoy Estrada nga nagapaiway sa barangay ag sangguniang kabataan election nga nakataeana kunta sa Disyembre 5, 2022.
Suno kay Atty. Plaridel Morania, bukon it rason ro ginasugid nga kon ipaisoe ro election makaron nga dag-on hay makatipid ro gobyerno ag magamit pa raya sa ibang kinahang-eanon partikular sa pagbangon it ekonomiya.
Una eon sigon raya sa laye ag may nakataeana eon nga pondo nga dapat gamiton agud nga mabayluhan ro mga opisyales nga uwa ginaobligahan ro andang responsibilidad.
Mag-eowas kara, maabo ro nagparehistro sa uman nga pagbukas it voter’s registration kon siin nagapamatuod eamang raya nga maabong interesado sa nakataeana nga election.
Makabig man raya nga training sa mga bag-uhan sa pulitika eabi eon sa mga bata nga maabong plano para sa andang barangay sa oras nga mailihir sa pwesto.
