Kalibo Aklan ———-Temporaryong ginsarado ag ginbutangan it barikada ro hanging bridge nga nagakonekta sa Sitio Karumahan ag Isla Pegado sa Brgy. Bakhaw Sur, Kalibo.
Suno sa sangka residente nga si Lorna Cortez nga umpisa kahapon nga adlaw hay ginsarado ro nasambitan nga daeanon agud nga indi eun pag-agyan pa it mga motorista.
Raya hay matapos nga ginpakamayad sigon it LGU nga waskon eun lang ro ibang portion it tulay bangud sa mga nakit-an nga buho-buho nga posibleng makatao pa it halit sa mga motorista.
Sa makarun suno pa kana hay apektado ro tanan nga mga pomoeuyo sa lugar mas kapin kung magtabok paadto sa Brgy. Poblacion.
Sa makarun hay ginbutangan raya it temporaryong hagdan para sa mga naga-agi nga mga pomoeuyo , apang delikado para sa mga unga.
Kinahangean man sigon nga magkamang-kamang pa sanda agud nga makatabok .
Samtang kung may mga daea man sanda karga hay indi eun nanda mabitbit pa ag kinahangean pang maikarga sa baroto.
