KALIBO, Aklan—Nagakadapat eamang nga usisaon it lokal nga gobyerno kaibahan ro mga kapulisan ro nagakatabo nga illegal gambling sa andang nasakupan.
Raya ro pagpahayag ni Atty. Axel Gonzales, sangka batikan ag kilaea nga abogado sa probinsya it Aklan sa tunga it isyu nga ginakaeakipan it daywang ka mga peryahan sa Kalibo nga nagagamit it kwarta bilang pa-premyo sa pilang hampang.
Suno kay Atty. Gonzales, tanan nga hampang nga may kaibahan nga kwarta maisot man ukon mabahoe ro taya hay makabig nga sugae ukon illegal.
Engkaso sigon nga mapamatud-an ro kapabayaan hay posibleng magpanabat kara ro pilang ahensya nga nagadumaea sa banwa.
Partikular nga gintumod it abogado ro kasong graft and corruption.
Dapat suno kana nga masiguro nga indi eon mauman pa ro mga pagpataya para malikawan ro anumang kaso.
