Gusto it Israel nga ma-neutralize ro Iran agud nga inde eon makatao it suporta sa Hamas nga nagahari sa Gaza ag sa Hezbollah nga ginadominahan ro Lebanon.
Raya ro naging panan-awan ag pagpaathag ni Professor Danilo Arao it Department of Journalism it University of the Philippines kasunod it kinagamo nga nag-eontad sa tunga it US, Israel ag Iran.
Suno pa kana, nag-intra eon ro Estados Unidos bangud sa kagustuhan nga mauntat ro production it nuclear weapon nga eubusang delikado engkasong gamiton raya it Iran kon inde matapna ro andang pagpakamatig-a.
Mag-eowas kara, maeapad ro kaeogtaan it Iran nga may maabong resources kaparehas eon lang it langis nga nagapangunang produkto nga kinahang-ean it tanan nga nasyon sa bilog nga kalibutan.
Nadaeahig eamang sigon ro mga nasyon sa Middle East bangud sa mga military base nga nakatukod sa mga natungdan nga nasyon nga raya sa makaron ro ginapunterya it mga missiles attack it Iran.
Apang, inde malikawan nga may madaeahig nga mga sibilyan eabi eon mga overseas Filipino workers sa oras nga inde maintercept sa interspace ro mga nagsi-eoparan nga mga missiles.
