Plano it Israel nga gumamit it Iron Beam laser defense system para pabagbagon ro mga paabot nga missiles halin sa Iran ag mga kaalyado kara sa Middle east region.
Ginaeauman it Israel nga magiging operational ro nasambit nga defense system nga may high-power laser sa sueod it sang dag-on.
Suno sa Israel, magadaea ro bag-ong defense system it ‘new era of warfare’ sa tunga it war of drones ag missiles kara sa Iran ag andang regional partners.
Nagtaeana ro Jewish state it masobra sa $500 million para paeawigon ro produksiyon it nasambit nga defense system.
Nauna eon nga ginpakilaea it Israel ro prototype nga Iron Beam ko 2021.
Suno sa Israel Defense Ministry, target it ginbansagang Iron Beams nga gumamit it high-power lasers para mapabagbag ro mga projectile kaibahan ro missiles, drones, rockets ag mortars.
Kumpara sa tumaeagsahon nga Iron dome it Israel, ro laser shield hay mas barato, mas madasig ag mas epektibo kontra sa mga drones nga makapilang beses nga napas-eawan ma-intercept it Iron dome.
