KALIBO, Aklan–Nagakasubo ro bilog nga Japan pati eon man ro mga kaeapit nasyon kara bangud sa pagtaliwan ni dating Prime Minister Shinzo Abe.
Ginpahayag ni Bombo International Correspodent Josel Palma nga tumaeagsahon sa tanan nga prime minister si Abe bangud makabig nga grabe raya ka humble.
Ginkilaea ro dating prime minister bilang longest-serving prime minister it Japan bangud sa daywang beses kara nga pagserbi sa nasyon.
Kung siin naging leader raya it Japan sa edad nga 52-anyos dag-ong 2006 asta 2007 ag nagpadayon ku nagtaliwan nga 2012 asta dag-ong 2020.
Suno pa kay Palma nga maeapit man sa tagipusu-on it mga Pinoy ro dating Prime Minister bangud sa makapilang beses man karang pagbisita sa Pilipinas.
Mataeopangdan nga ulihing nagbisita sa Pilipinas si Abe ku nagtaliwan nga Enero 2017 ag nagkataeog pa sa Davao City kasunod it imbitasyon ni dating Pangueong Rodrigo Duterte.
Samtang, sandig sa imbestigasyon it mga kapulisan naka-angkon it daywang tama it bala si Abe partikular sa may tu-o nga liog ag waea nga dughan rason it gilayong kamatayon.
Sa makaron, padayon ro imbestigasyon it otoridad sa rason it nasambit nga assasination it suspek nga si Tetsuya Yamagami, 41-anyos ag dating marine army.
