KALIBO, Aklan — Matapos ro ginpatigayon nga rehabilitasyon sa Boracay, nagaeaum si Department of Environment and Natural Resources (DENR) Secretary Roy A. Cimatu nga ro nabo-oe nga leksyon halin sa rehabilitasyon it Boracay Wetland Conservation Park hay magiging inspirasyon sa mga negosyante ag maskin sa government leaders nga maga-invest sa financial ag political capital agud nga maeowas ro wetlands sa bilog nga nasyon.
Suno sa DENR nga pinaagi sa tema makaron nga dag-on nga “Wetlands Action for People and Nature”, sambilog sa naging highlight it World Wetlands Day celebration hay ro pag-turn-over it Boracay Wetland Conservation Park halin sa adopter kara nga EDC paagto sa DENR.
Ro EDC ro sambilog sa insigidang nagsabat sa panawagan nga DENR’s Adopt-A-Wetland Program agud nga makarekober ag mag-restore ro siyam nga wetlands sa isla.
Nakatutok ro tema makaron nga dag-opn sa importansiya it gintingub nga aksyon para sa konserbasyon ag pagpabilin it gamit it wetlands para sa benipisyo kara sa humanity, environment ag biodiversity.
Suno kay Cimatu, personal nana nga nasaksihan ro transpormasyon it Boracay Wetland Conservation Park ukon ro Wetland No. 2 “from a degraded wetland to what it is now — an arboretum of native trees, an ecotourism site and an educational center for conservation.”
Samtang, ginpahayag man ni BMB OIC Director Natividad Bernardino nga nagsirbi man nga general manager it Boracay Inter-Agency Rehabilitation Management Group umpisa 2019 hasta 2021, nga ro rehabilitation it iconic island hay nakaangkon it mga pagpamalibad ko una apang natigayon nanda nga maayos ro kinahangean nga ayuson .
