Para sa proteksyon it mga konsumidor nga ro andang ginabayad hay nagakabagay sa andang ginbakae.
Suno kay Ramel Buncalan it Kalibo Consumers Association nga raya ro andang nagapangunang katuyuan sa gindihon nga resolusyon sa taeatapan ni kalibo Mayor Juris Sucro.
Nasayuran nga nakabaehag sa andang resolusyon nga i-require ro tanan nga mga vendors sa kalibo public market nga maggamit it digital nga weighing scale imbes nga traditional na timbangan.
Sa pag-inspection sigon it Department of Trade and Industry kaibahan ro andang grupo, nataeupangdan ro mga depektibong kilohan.
Accredited suno kana it DTI ro andang asosasyon agud nga maging kabulig sa implementasyon it Consumer Welfare Act.
Mag-eowas sa mandatory nga paggamit it mga digital nga kilohan, ginaduso pa it grupo ro pagbutang it mga price tags sa mga baligya agud nga makasigurado nga nagasunod sa Price Tag Law ro mga negosyante.
