KALIBO, Aklan—Ginpasiguro ni Sangguniang Bayan member Philip Yerro Quimpo nga pagatutukan ro mga nagapangunang isyu sa komite nga anang ginabuytan nga ginaeakipan it Committee on Education, Committee on Budget and Finance ag Committee on Information and Technology.
Ro committee on IT sigon hay bag-ong ginbilog nga komite nga imaw mismo ro nagsuhestiyon nga nagatuyo nga ma-monitor ag mapabaskog ro internet connection sa banwa it Kalibo.
Samtang, plano man ni Quimpo nga dugangan ro numero it mga scholars agud nga makabulig sa mga deserving nga mga estudyante nga halin sa pigado nga pamilya.
Igaproponer man sigon nana ro pagtukod it libreng review center para sa mga magabo-oe it licensure examination.
Bukas sigon imaw sa anuman nga mga suhestiyon para sa kamaeayran it mga pamatan-on ag bilog nga pumueuyu it Kalibo.
