-- ADVERTISEMENT --
KALIBO, Aklan–Ginpasaeamatan ni Kalibo Vice Mayor Dr. Cynthia Dela Cruz ro tanan nga nagsuporta kanda sa unang 100 diyas nanda sa pwesto.
Kadungan raya it ginpatigayun nga opening salvo kahapon sa Kalibo Pastrana Park.
Gintaw-an it punto it bise alkalde ro manami nga pagsinaeayo nanda it anang mga kaibahan ag ro suporta it mga pumueoyo para maging posible ro tanan nga mga programa it lokal nga gobyerno.
Ginpasaeamatan man kara ro presensya it mga opisyal it Provincial Government partikular ni Vice Governor Reynaldo Quimpo, Sangguniang Panlalawigan members, mga konsehal, department heads, banda it nagkaeain-eain nga mga grupo, ati dancers ag mga pumueoyo halin sa nagkaeain-eain nga banwa it Aklan ag kaeapit nga probinsya.
