Ginhungod ro tempranong pag-anunsyo it kandidatura ni Vice President Sara Duterte para sa presidential election 2028 kon sa siin magapadaeagan sigon imaw sa pagka-presidente.
Raya ro naging panan-awan ni former Magdalo representative Gary Alejano kon sa siin ginakabig nanda raya bilang panangga sa mga akusasyon nga ginaeapog kontra sa bise presidente.
Sambilog eon suno kana ro impeachment complaint kon sa siin posibleng magaduha-duha eon ro kongreso hasta sa senado engkasong pagatalakayon eon ro nasambit nga reklamo.
Bukon eon it bag-o sa patag it pulitika ro makaraya nga estratehiya kakaiba eang para sa mga Duterte bangud sa andang mga plano sa paaeabuton eabi eon kon masiguro ro andang kadaeag-an.
Maskin maeayo pa ro eleksyon, ginaistoryahan eon makaron ro posibleng maging ka-tandem ni Sara ag ro maging kaengkwentro kara.
Sa pag-anunsyo it kandidatura ni Duterte, inde malikawan nga may matabunan eon man nga mabahoe nga isyu bangud sa magsiguwaan ro nagkaeain-eain nga reaksyon maghalin sa miyembro it pulitika, civil organization, asosasyon ag maging sa mga sibilyan.
