KALIBO, Aklan—Ginaselebrar ro Elderly Filipino Week kada Oktubre 1 hasta it 7 base sa proklamasyon numero 470 nga ginpaguwa ni dating Pangueong Fidel Ramos ko Setyembre 26, 1994.
Ginataeana sa nasambit nga proklamasyon ro obligasyon it ehekutibong sangay, sa pinaagi it Department of Social Welfare and Development (DSWD), nga ipatuman ro mga programa para sa kapakanan it mga katigueangan.
Nagapati ro gobyerno nga importanteng parte it komunidad ro mga magueang nga Pilipino nga dapat suportahan ag protektahan agud nga makaangkon sanda it produktibo ag masadya nga pagpangabuhi.
angot kara, ginpanugyan ni Dr. Cheryl Armiza, internal medicine nga kinahang-ean nga makaangkon it mahaba nga pasensya ro mga family members sa mga magueang bangud nga kaeabanan sa mga raya hay nagakinahang-ean it pag-alaga ag pag-aruga halin sa andang pamilya.
Bangud sa katigueangon, kon amat hay nagakinahang-ean sanda it maid-id nga pag-intindi naton bilang pamilya nanda rason nga kinahang-ean nga istoryahon sanda permi ag ro bukas nga komunikasyon kanda hay dapat ipabilin it tags aka miyembro it pamilya.
Ro dag-unan nga Elderly Filipino Week hay naga-insister sa kontribusyon it mga senior citizen sa pag-umwad it nasyon.
