KALIBO, Aklan— Imbes nga malipay, nagapabilin nga problemado ro mga vendors sa front beach it Boracay sa uman nga pagbukas kara sa mga turista sa Oktubre 26.
Suno kay Adelfa Cuesta, dating presidente it Malay Boracay Vendors, Peddlers, Masseurs, Manicurists Association ukon MABOVEN nga nagdangop eon sanda sa Sangguniang Bayan it Malay kamana man kay Mayor Ceciron Cawaling nga mabuligan sanda nga mataw-an it trabaho sa uman nga pagbukas it Boracay sa October 26.
Suno kana nga haeos 300 sanda nga maduea-an it trabaho bangud sa pagbawae sa mga vendors nga magbaligya sa beach front kamana man ro mga masahista.
Gina-insister nanda sa gobyerno nga makaangkon it masayluhan agud nga makapadayun sa andang pagbaligya.
Madumduman nga bawae eon man sa beachfront ro mga lamesa, bangko, eugban, beach umbrellas ag iba pa sa reopening it Isla.
