Nagaabot eun sa kabilugan nga P129.39 million ro haega it kasamaran nga daea it Kanlaon eruption sa sektor it pagpanguma, suno sa Department of Agriculture (DA).
Raya hay naka-apekto sa pangabuhian it kabilugan nga 1,431 mangunguma halin sa Negros Island ag nakasamad sa magsobra 580 ektarya nga mga paeayan.
Mabahoe nga porsyento it nasambit nga danyos hay sa sektor it high value crops ng nakalista eun it P124.93 million.
Raya hay katumbas it 5,311 tonelada it mga agri products.
Sumunod kara ro rice industry nga ginabuebanta nga magaabot sa magsobra tatlong milyong kasamaran.
Ro habilin hay tunga-tungaon eun it iba pang mga industriya kapareho it livestock, poultry, ag corn industry.
Sa presente, may kabilugan nga 771 nagkaeain-eain nga sapat nga ginbakwit sa mga ginhimo nga evacuation center para sa mga sapat
Naka-standby man ro P1 billion nga quick response fund it DA nga mahimo nga magamit rehabilitation ag recovery it mga lugar nga naapektuhan sa padayon nga pag-alburoto it nasambit nga bulkan.
