Ginbasura it korte ro kasong involuntary manslaughter kuntra sa actor nga si Alec Baldwin.
Ro nasambit nga kaso hay may kaangtanan sa aksidenteng pagpamaril it actor samtang sa shooting it pelikulang “Rust” ko Oktubre 21, 2021 nga ginkamatay ni cinematographer Halyna Hutchins sa New Mexico.
Suno sa desisyon ni Judge Mary Marlowe Sommer nga bukon it maayos nga ginbuytan it prosecution ro mga ebidensiya sa depensa.
Ro desisyon ngara hay base eon man sa gindihon nga motion it abogado it actor nga dapat ibasura eon ro kaso ag ginakontra ro state investigation sa bukon it tamang pag-turnover it mga ebidensiya.
Napa-euha ro actor matapos nga basahon it judge ro desisyon ag insigida man nana nga ginhakos ro asawang si Hillaria.
Nauna eon nga ginsentensyahan it 18 buean nga pagkakulong ko buean it Marso ro armorer it pelikula nga si Hannah Gutierrez Reed.
