Ginpahayag ni Kalibo Sangguniang Bayan member Augosto Tolentino nga ginkasugtanan sa plenaryo nga istudyuhan ro pag-amyenda sa aprubadong ordinansa angot sa nakataeanang proyekto sa approved loan it lokal nga gobyerno.
Ginpahayag nga nagpasugot sigon ro bangko nga amyendahan ro andang dokumento agud nga maging municipal multi-purpose building halin sa unang plano nga covid-19 quarantine facility.
Kinahang-ean eamang sigon nga majustify ro proyekto agud nga magamit eon ro kapin sa P107 milyon pesos nga kaparte sa approved loan it LGU nga kapin sa P600 milyon pesos.
Ginakabig nga outdated eon ro unang plano bangud nga nagatahaw eon ro pandemya rason nga nagakadapat raya nga maamyendahan para mairelease eon it bangko ro nasambit nga kantidad it kwarta agud nga matuman eon ro nasambit nga proyekto
