-- ADVERTISEMENT --
KALIBO, Aklan—Ginkalipay it mga housing recipient sa bahin it Brgy. Briones, Kalibo ro ginpanupod nga food packs it lokal nga gobyerno.
Suno kay Elminora Villegas nga eubos ro andang pagpasaeamat sa bulig nga ginpaabot kanda ni Mayor Juris Bautista Sucro.
Ro food packs hay ginakaeakipan it manami nga klase it bugas, noodles, de lata, gatas, kape, asukar ag iba pa nga pagkaon.
-- ADVERTISEMENT --
Mag-euwas kara, nagpromisa pa sigon ro alkalde nga pagapinturahan ro andang mga housing unit.
Nagaeaum si Villegas nga paga-ayuson ro andang mga atop, sagilong ag pilang samad sa andang pabaeay.
Nagpanawagan man raya sa lokal nga gobyerno nga mataw-an sanda it paeangitan-an para maskin paalin hay may mabue-an sanda it pang adlaw-adlaw nga kinahang-eanon.
