KALIBO, Aklan—Ginkwestyon it sangka negosyante sa banwa it Kalibo kon ham-an it maabong fees nga ginabayran sa pagbueo it special event permit para sa andang maisot nga negosyo sa week-long celebration it Kalibo Sr. Sto. Niño Ati-Atihan Festival 2023.
Suno kay Albert Manalo, ro anang pagkwestyon hay bukon eamang it para sa anang kaugalingon kundi para sa mga ultimong negosyante nga maabo ro ginabayran sa sangkiri nanda nga baligya kon sa siin sa kaulihanan hay inde man nanda mapuslan ro andang mga ginpangbayaran.
Sa kabilugan suno kana hay nakabayad imaw it masobra sa P3,800 pesos kon sa siin sa pagproseso kara hay nag-agi pa kay kagawad Mark Sy, tagapaghambae ni Kalibo mayor Juris Sucro.
Ginpahayag dugang nga ginhambaean pa sigon sanda nga iba ro kantidad nga ginabayran kon nagabutang sanda it lamesa apang panindugan kara nga paano mabakae ro andang baligya kon uwa it lamesa nga ginabutang.
Makaeoeooy suno kana ro mga ultimong negosyante nga nagahimakas man kunta nga makabawi makaron nga okasyon sa andang negosyo apang maabo pa ro andang ginabayran sa munisipyo.
