Sangka mabaskog nga pagsabog ro kumibot sa Shahid Rajaee Port, ro pinakamabahoe nga komersyal nga pantalan it Iran nga makit-an sa Bandar Abbas.
Waeong katawo ro namatay samtang 750 nga iba pa ro naninahan.
Ro pagsabog hay nagtuga it maeapnagong halit kaibahan eon ro pagkasamad it mga edipisyo, saeakyan ag ro pagkalhit it mga debris it hasta sa 50 kilometro ro kaeayuon.
Makit-an nga nakaangkon anay it sunog bago ro mabaskog nga pagsabog nga nagresulta sa pagdaeaeagan it mga tawo sa lugar nga ginkanina it maabong tawo.
Ro insidente sigon hay resulta it bukon it tama nga pagdumaea it solid fuel nga nakataeana para sa ballistic missiles.
Ro kaeayo hay nagkalhit halin sa mga container nga may sueod nga flammable materials.
Ginkumpirma it Iran National Disaster Management Organisation nga may paandam eon nga naitao angot sa eowas nga pagtipon it kemikal sa pantalan.
Samtang, nagpahayag it simpatiya si Iranian President Masoud Pezeshkian sa mga biktima ag nagmando it madaeuman nga imbestigasyon.
Ro insidente hay natabo samtang may nagapadayon nga pag-istorya sa tunga it Iran ag US angot sa nuclear program it nasyon.
