KALIBO, Aklan—Nagapadayun ro imbestigasyon it kapulisan sa natabu nga insidente it pagpangbuno nga ginkanina it sangka binatilyo pasado alas-7 gabi-i it Lunes sa Brgy. Poblacion, Makato.
Nakaangkon it lastro sa likod nga porsyon it eawas ro biktima, residente it banwa it Numancia matapos nga ginbuno it inde pa matumod nga klase it hinangiban it naka-alitan nga kaparehong menor de edad bangud sa love triangle.
Suno kay alyas Gab, nauna eon nga nagpangayo kanda it bulig ro biktima matapos mataeopangdan nga may igo it pagbuno sa anang likod.
Insigida sigon sanda nga nagpangayo it bulig sa Makato Municipal Police Station nga dayun man nga nagresponde kaibahan ro mga katapo it MDRRMO-Makato nga gintaw-an it first aid ro binatilyo antes nga gindaea sa Aklan provincial hospital.
Samtang, gilayon man nga gin-kustodiya it kapulisan ro ginakabig nga Children In-Conflict with the Law ukon CICL nga responsable sa krimen para sa nagakaigong disposisyon.
