SHOWBIZ News — Nangin kaparte pa ro aktres nga si Maris Racal sa bag-o nga version it kanta nga “Kisapmata” nga ginpaguwa it anang ex-boyfriend nga si Rico Blanco.
Ro nasambit nga kanta hay dati eon nga naging sikat nga ginpaguwa it Rivermaya ko 1996 apang gin-release ro bag-o nga bersyon ni Rico sa nagkaeain-eain nga music streaming platforms ko nagtaliwan nga Hulyo 19.
Sa official visualizer nga gin-release sa YouTube channel it singer-wongwriter, ginpasaeamatan nana ro nangin kaparte it music ag recording kun sa siin kaibahan si Maris nga telecaster.
Ro kantang Kisapmata hay ro ikaywa nga gin-release ni Rico halin sa upcoming album kara nga may solo artist versions it anang “most loved creations.”
Nauna eon nga ginpaguwa ko Oktubre 2023 ro sambilog pa nga single nga “You’ll Be Safe Here.”
Madumduman nga nangin hot topic sanday Maris ag Rico umpisa nga ginkumpirma it 26-anyos nga singer-actress ko Hulyo 12 nga nagbueag eon sanda it 51-anyos nga veteran singer.
Ko Mayo 2021 kat nag-umpisa ro andang relasyon matapos ro andang kolaborasyon sa sangka music single.
