KALIBO, Aklan–Mas pang pagapabaskugon ro booster coverage sa probinsiya it Aklan.
Raya hay kasunod it igalunsar nga mabahuean nga kampanya it Provincial Health Office ukon PHO-Aklan agud nga maengganyo ro publiko nga magpaturok it booster shots, partikular ro mga senior citizens.
Suno kay J-Lorenz Dionesio, vaccination manager it PHO-Aklan nga ro bag-ong kampanya hay ginatawag nga “Pinas Lakas” nga paga-umpisahan sa Martes, Agosto 2 sa sangka mall sa banwa it Kalibo.
Base sa record, as of July 26, naga-abot eon sa 94.4% nga mga Aklanon ro nakabaton it una ag ikaywang dose it bakuna kontra sa covid 19 kun sa siin naabot eon ro ginatawag nga herd immunity.
Apang, 15 porsiyento pa eamang it andang target population ro nagpaturok it booster shots.
Raya hay katumbas it masobra sa 67,000 nga indibidwal halin sa masobra sa 400,000 nga nakabaton it primary vaccine.
Kaibahan sa plano it Department of Health ro pag agto sa mga komunidad agud nga mapaeapad ro vaccination rollout.
Ginpaathag ni Dionesio nga ro paglunsar it kampanya it gobyerno sa nagkaeain-eain nga parte it nasyon hay kasunod it pagtuhaw it mga dugang nga mga kaso it COVID halin sa mga nailistang subvariant.
Ro booster shot suno kana hay dugang nga proteksyon kontra sa sakit.
