Nakakas ro kabilugang 5,105,191 nga pangaean halin sa opisyal nga listahan it rehistradong botante it Commission on Elections (Comelec) para sa 2025 national ag local elections.
Pila sa mga rason it pagkaduea it mga raya halin sa listahan hay bangud sa kapas-eawan nga bumoto sa 2 magkasunod nga regular elections, kawad-an it Filipino citizenship sa bisa it court order ag uwa it valid documents.
Suno kay Comelec chairman George Garcia, kapin sa 248,972 nga botante mat-a ro ginpaea sa listahan bangud nga patay eon ag ro pila mat-a hay bangud sa multiple ag double registration.
Samtang, nakabaton ro poll body it kabilugang 409,329 nga aplikasyon para sa reactivation it mga botante halin ko Pebrero 12 hasta it Hulyo 20 it presenteng dag-on.
Sa makaron, nagaabot eon sa kabilugang 4.6 milyong botante ro rehistrado para sa eleksyon sa masunod nga dag-on. Kamana man, nagapadayon ro voter registration para sa 2025 elections nga magatapos sa Setyembre 30.
