Kapin sa 979 nga eskwelahan ro nagpaiway sa andang school opening makaron nga adlaw it Lunes bangud sa nagtaliwan nga Bagyong Carina ag habagat.
Suno sa Department of Eduaction, raya hay bangud sa uwa pa matapos ro paglimpyo ag rehabilitasyon sa pilang public schools nga naapektuhan it nagtaliwan nga bagyo.
Kapin sa 225 ro numero it mga eskwelahan nga postponed ro opening of classes sa National Capital Region (NCR), 231 sa Region I, kapin sa 452 sa Region III, 67 mat-a sa Region IV-A ag 4 sa Region XII.
Samtang, nagaabot eon sa 19,268,747 ro numero it mga nag-enroll para makaron nga school year kaibahan eon ro una sa Alternative Learning System (ALS).
Ginaeauman pa sa mga masunod nga inadlaw nga magataas pa raya suno sa DepEd bangud nga maabo gihapon ro mga nagaeagas nga mag enroll.
