Nag-apela it daywang piso nga dugang nga pamasahe ro Federation of jeepney Operators and Drivers Association of the Philippines (FEJODAP), sa tunga it panibag-ong oil price hike.
Suno kay Ricardo “Boy” Rebaño, Presidente it FEJODAP, masyado eon nga mabug-at para sa mga driver ro pagtaas it presyo it produktong petrolyo.
Angot kara, ginpahayag it Land Transportation Franchising and Regulatory Board (LTFRB) nga ro FEJODAP hay pwedeng mag-obra it petisyon angot sa isyu nga igapaidaeum pa sa evaluation.
Makaron nga adlaw it Martes hay uman nga nagtaas ro presyo it domestic pump nga P1.40 sa kada litro para sa gasolina, P6.10 sa diesel ag P6.10 man sa kerosene.
Sa pahayag ni Department of Energy (DO)-Oil Industry Management Bureau Dir. Rino Abad, ro paghueag sa presyo it langis hay tuga it epekto sa pagmahae it krudo sa world market ag padayu nga bakbakan sa tunga it Russia ag Ukraine.
Nasayuran nga raya eon ro ikaywang domingo nga pagtaas sa sukot sa presyo it langis makaron nga buean, matapos ro sunod-sunod nga rollback kara sa nasyon
