KALIBO, Aklan—Nag-arangkada eon ro mga aktibidad para sa 2025 Kalibo Señior Santo Niño Ati-Atihan Festival nga nag-umpisa ko Enero 10 ag magatapos sa Enero 19.
Ginpahauman it husto it munisipyo it Kalibo ro uman nga pagbuhos it mga deboto, turista ag mga pumueuyu sa ginbansagan nga “The Mother of All Festivals,” kun sa siin gina abangan ro masadya nga selebrasyon it debosyon, ritmo, ag kulay.
Kaibahan sa aktibidad ro novena mass, prusisyon, open street dancing, ag kada gabi-i nga entertainment.
Highlight sa selebrasyon ro Binibini ng Kalibo coronation kabie sa Kalibo Pastrana park, Higante Parade sa Enero 16, ag ro grand procession ag religious parade sa Enero 19.
Ro mga dugang nga event hay ro tradisyunal nga Paepak, Kaean-an sa Plaza, ag Hala Bira Ati-Atihan Nights sa Magsaysay park.
Kapin sa 2,000 nga mga pulis ro igapakalhit agud nga masiguro ro kaeowasan it publiko sa tiempo it kasadyahan.//
