KALIBO, Aklan—Kumpiyansa ro Commission on Elections ukon Comelec-Kalibo nga makasunod ro mga aspirante sa banwa nga magapa-ilihir angot sa gina-required kanda nga ipa- rehistro ro andang mga social media account antes ro eleksyon sa Mayo 2025.
Suno kay Atty. Christian Itulid, Comelec Election Officer IV it Comelec-Kalibo nga may gintaeana sanda nga deadline para sa pagpa-rehistro it mga kandidato it andang opisyal nga social media accounts, pages, websites, podcasts, blogs, vlogs, ag iba pang online ag internet-based campaign platforms hasta sa disyembre 13 bilang kaparte it andang tikang agud nga i-regulate ag ibawae ro saea nga paggamit it social media para sa eleksyon .
Gusto sigon it komisyon ma-monitor ro mga ginapatigayon nga online ukon digital campaigning it mga pulitiko ag malikawan ro mga misinformation kontra sa kaengkwentru nga kandidato pinaagi sa pag-obra it fake account .
Umpisa ko Lunes, Oktubre 21 hay gin-umpisahan eon nanda nga magpadaea it sueat sa mga kandidato may kaangtanan kara.
