KALIBO, Aklan—Ginpasidunggan it gobyerno probinsyal ro mga atletang aklanon nga ginrepresentar ro probinsya it Aklan sa ginpatigayon nga Western Visayas Regional Athletic Association (WVRAA) Meet 2024 sa Negros Occidental.
Una kara, may ginhiwat nga motorcade ag ginsundan it sangka mapig-od nga programa sa ABL Sports Complex, Estancia, Kalibo kon sa siin ginapit nga bisita ro si Aklan governor Jose Enrique Miraflores.
Ginkilaea it gobernador ro talento, ikamayad ag ikasarang it mga atleta nga ginhimo ro tanan para makauli it mga medalya ag magpangibabaw kontra sa iba pang atleta it kaeapit probinsya it rehiyon.
Angot kara, napasaalima eon it mga atleta, coaches, assistant coaches, ag chaperons ro cash incentives bilang pagpasaeamat sa mga raya.
Sa individual category, ro mga nakauli it Gold medals hay nagbaton it P5,000; Silver nga P4,000 ag Bronze nga nagbaton it P3,000.
Mag-eowas kara, sa iba pang kategorya hay nagbaton ro mga atleta it P1,000 pesos hasta it P4,500 pesos.
Sa makaron hay uman nga magapahaom ro mga atletang kwalipikado sa Palarong Pambansa nga igapatigayon sa Cebu.
