KALIBO, AKLAN-Mabahoe sigon ro pagbag-o halin kat nagpanaeasa ro bagyong Carina hasta sa makaron, bangud nga sangkiri eun lang ro andang dakop ag nagnaba pa ro preyso it isda sa merkado.
Suno kay Leonardo Cuaresma ro President it New Masinloc Fishermen’s Association sa Zambales nga nagatao sigon raya it kalisod sa mga mangingisda.
Pahayag nana nga ro natabo nga pagpanggipit hay natabo sa Ayungin Shoal sa may bahin it Palawan kun siin nabungguan eun man ro Philippine Coast Guard ag raya hay ginpaabot eamang kanda.
Adlaw-adlaw man sigon sanda nga may nababaton nga balita halin sa Philippine Navy parte sa nagakatabo sa West Philippine Sea agud andang malikawan.
Kun may mga maeain nga tyempo sa Bajo de Masinloc ukon Scarborough Shoal ag Panatag Shoal sanda nagatago.
Ginabaeabagan man it mga corals ro mga maeain nga tyempo ag mabaskog nga baeod sa nasambitan nga shoal ngani idto sanda.
Kun siin nga sa makaron raya hay ginapalibutan it mga Chinese Coast Guards.
Halin man kat may natabo nga no trespassing policy hay uwa eun nakaka-eapit ro mga mangingisda ukon mga ibang commercial vessel sa Bajo de Masinloc.
