Uwa naitago it pilang ka mga representante it banwa partikular it New Washington ro problema sa proyekto it National Housing Authority ukon NHA.
Raya hay bangud sa kawad-an it sewage treatment plant ukon STP sa mga proyekto it pabaeay.
Ginpaabot sa plenaryo nga may septic tank ro kada unit apang ro drainage hay diretso sa suba kon siin ginatan-aw nga makatuga raya it peligro sa mga residente eabi eon kon maokupahan ro tanan nga housing units.
Nasayuran nga ro banwa it New Washington hay may 14 nga proyekto, tig-daywa sa Altavas ag Kalibo, ap-at sa Batan ag sambilog sa banwa it Tangalan.
Angot kara, naging mainit ro talakayan sa plenaryo bangud sa mga reklamo sa nasambit nga proyekto nga kaeabanan sa ginpatindog nga pabaeay hay sa mga manaba nga lugar nga nagapangunang problema it mga occupants ro mga pagbaha-baha maskin sa sangkiri nga pag-uean.
Hinyo it lokal nga gobyerno sa NHA nga tutukan ro proyekto ag inde pagpabay-an ro mga contractor kamana man sundon ro nagakaigo nga construction para mapuslan it mga benepisyaryo.
