KALIBO, Aklan — Nagapati si Sangguniang Bayan member Nenette Aguirre Graf it Malay, Aklan nga bukon it tanan nga mga establisimento sa Boracay hay maka-operate sa uman nga pagbubukas it isla sa Oktubte 26.
Sa interview it Bombo Radyo, ginhambae ni Graf, dating presidente it Boracay Foundation Inc. (BFI), pilang porsiyento pa eamang it mga establisiemento ro naka-comply sa mga requirements.
Masyado sigon nga mahaba ro proseso, kung siin, maga-agi sa pag-berepika sa one stop shop ro mga igasumiteng dokumento it mga negosyante kapareho it permits maghalin sa LGU, Bureau of Fire Protection (BFP) certificates ag ro validation it DENR sa Environmental Compliance Certificate (ECC) ag compliance sa sewage treatment plant (STP).
Sa pihak nga parte, mabahoe eon sigon ro ginbag-o it Boracay sa sueod it ap-at nga bueang rehabilitasyon.
Dugang pa ni Graf nga hasta makaron hay “wait and see” sanda sa uman nga pagbukas it Boracay sa Oktubre bangod owa pa it opisyal nga komunikasyon angot kara.
