Nagapabilin nga kalmado ro mga overseas Filipino workers sa nasyon it Qatar matapos mabulabog it ginlunsar nga joint attack it Amerika ag Israel sa Iran.
Suno kay Bombo International News Correspondent Rezelyn Geraldo, nagapabilin nga kalmado ro sitwasyon sa Qatar maskin nga nabatyagan man nanda ro mga pagsabog kasunod it pagka-intercept it mga missiles attack sa airspace.
Presenteng una sa holy month it Ramadan ro nasambit nga Muslim country rason nga uwa gin-eauman ro nasambit nga mga pag-atake.
Angot kara, nagpadaea it emergency alert ro Embahada it Pilipinas ag gobyerno it Qatar angot sa mga insidente it pagsabog.
Gin-anunsiyo eon man it gobyerno it Qatar ro pagsarado it Doha airspace kamana man suspendido eon ro flights pasueod ag paguwa it Hamad International Airport.
