KALIBO, Aklan – – – Gin pabawkit it lokal nga gobyerno ro pilang residente it Barangay Dalagsaan sa Libacao, Aklan matapos ro misteryosong pagsabog it sangka bukid sa nasambitan nga lugar.
Suno kay Libacao Mayor Charito Navarosa, temporaryong gin pahalin ro mga residente bangud sa kabaeaka nga makaangkon it uman nga pagsabog.
Gin hayag it alkalde nga kapareho it taas it sangka puno it niyog ro nagpaibabaw nga eugta.
Gina sugid nga nakabati anay it mabaskog nga pagsabog ro mga residente.
Naging palaisipan sa opisyal ag mga pumueoyo kun ano ro dahilan it pagkarumpag it eugta kamana man nga nag crack ro eugta ag tumakilid ro tatlong baeay nga maeapit sa lugar.
Gina imbestigahan pa sa makaron ro posibilidad nga posibling may nakatagong bulkan sa lugar.
Gin pahayag dugang ni Navarosa nga iga dangop nanda ro insidente sa Philippine Institute of Volcanology and Seismology (Philvolcs) para sa naga kaigong imbestigasyon.
