Monthly allowance para sa mga presidente it senior citizen association ag person with disabilities sa kabarangayan Kalibo, ginaduso sa plenaryo

Ginaduso makaron nanday Sangguniang Bayan members Augosto Tolentino ag Raymar Rebaldo nga makaangkon it monthly allowance ro mga presidente it senior citizen association ag person with disabilities sa kabarangayan.

Raya hay pinaagi sa magkaseparadong proposed ordinance it daywang konsehal.

Suno kay Tolentino, kinamatarong it mga raya nga makaambit sa pondo it lokal nga gobyerno bangud nga sa kabilugang budget it munisipyo hay may nakataeana nga porsyento para kanda.

Apang, magaagi pa raya sa mga public hearing sa plenaryo it sangguniang bayan it Kalibo.

Engkaso nga makapasa ro ginaproponer nga ordinansa, ro presidente it nasambit nga mga asosasyon hay makaangkon it sang libong allowance kada buean.