KALIBO, Aklan—Todo ro paghilinugyaw it mga Moroccan matapos nga piyerdihon it andang national football team ro Portugal sa score nga 1-0 sa nagapadayun nga FIFA World Cup 2022 sa Qatar.
Suno kay Bombo International Correspondent Mylen Morgan it Morocco nga grabe ro pagsuporta it mga pumueoyo sa hampang it andang koponan.
Mabatyagan sigon ro grabeng kasadya sa palibot kung siin nagpundo ro tanan para eamang tumutok sa hampang.
Maskin ro mga bangko, pribadong behikulo ag pampublikong transportasyon hay nagpundo sa andang operasyon para taw-an it ligwa ro andang kadaeag-an.
Ro bukas eamang sigon hay ro mga coffee shop kung siin pwedeng makapamantaw ro mga supporters.
Nasayuran nga ro Morocco ro kauna-unahang African team nga nakaabot sa semi-finals it World Cup.
Si Youssef En-Nesyri ro naka-secure it historic win para sa Morocco.
Mabahoe sigon ro andang pagpati nga mahimo it national football team nga makasueod sa finals ag mai-uli ro kampeonato.
