Kalibo Aklan ———–Gin-insister it batikang abogado sa Aklan nga pwede pang magdihon it motion for reconsideration sa Comelec En Banc sa sueod it limang araw ro mga petitioner agud nga baeabagan ro kandidatura ni presidential candidate Ferdinand Bong-bong Marcos Jr.
Suno kay Atty. Plaridel Morania nga engkaso nga uman nga ibasura raya it komisyon, pwede pa raya nga mapasaka sa Supreme Court.
Raya hay kasunod it pagbasura it First Division it Comelec sa ulihing disqualification case kontra kay Marcos.
Gindugang pa ni Atty. Morania nga bangud nga ro rason it pagkabasura hay sa kakueangan it merito, ginsuhestiyon man nana sa mga justices nga tun-an it mayad ro mga kaso agud nga maka-obra it klarung desisyon .
Nasayuran nga kaibahan sa mga nagpirma sa nasambit nga ruling sanday Presiding Commissioner Socorro Inting, Commissioner Aimee Ferolino ag Commissioner Aimee Torrefranca-Neri.
Madumduman nga ginpunto sa petisyon ro tax case conviction ni BBM bangud sa kapas-eawan kara nga magdihon it anang income tax returns.
Sa pihak kara, pending gihapon ag gina-apela sigon sa Comelec en banc ro sangka petisyon para kanselahon ro anang certificate of candidacy (COC) pati eon ro sangka consolidated disqualification petition.
Nagaeaum si Atty. Morania nga makahimo it penal nga desisyon ro Comelec enbanc antes ro eleksyon.
