Nagakabaeaka makaron ro mga pumueoyo it Espansya angot sa nagatinaas nga kaso it mga narco apartments 

KALIBO, Aklan–Nagakabaeaka makaron ro mga pumueoyo it Espansya angot sa nagatinaas nga kaso it mga narco apartments ukon nagabaligya it iligal nga droga.

Suno kay Bombo International Correspondent Maria Edzel Lamparero Lopez nga mabuhay eon raya nga ginaproblemahan it mga pumueoyo bangud sa ginatuga nga perwisyo ag disturbo sa mga kaiping nga baeay ukon condominium.

Nagatuga man sigon raya it pagkabaeaka ag kawad-an it kontrol it mga baeay.

Kaabuan sigon sa naga-renta sa mga narco apartments hay iligal nga naga-istar sa Spain rason nga mabudlay nga tapnaon.

Gin-alerto eon man sigon it gobyerno ro publiko ag ginlaygayan nga insigidang mag-report engkaso nga may matueopangdan nga iligal nga hilimuon sa andang komunidad.