KALIBO,Aklan — Nagpatigayon it picket rally ro united labor nga ginpasakupan it nagkaeain-eain nga sektor it mamumugon sa pagpanguna it Bagong Alyansang Makabayan ukon Bayan Panay agud nga ipanawagan it uman ro ginaduso nga dugang nga sweldo it mga minimum wage earner.
Suno kay Elmer Forro, secretary general it Bayan Panay nga ginkalampag nanda it uman ro Regional Tripartite Wages and Productivity Board angot sa proposisyon nga pagsaka it sweldo it mga trabahante sa bilog nga Western Visayas.
Raya hay kasunod it pag-apruba sa National Capital Region it P40 pesos nga dugang sa andang presenteng sweldo.
Ginpahayag dugang ni Forro nga ginapatueog-tueogan it RTWPB ro panawagan it mga ultimong indibidwal eabi eon makaron nga sigidas ro pagtinaas it mga baeak-eon, serbisyo ag maabong iba pa.
Ko buean it Marso pa sigon nanda gindihon ro proposisyon kon sa siin ginaduso nanda ro kapin sa P100 pesos nga dugang sa adlawan nga sweldo it mga minimum wage earnes.
Sa oras nga maaprubahan raya hay magiging P550 pesos eon ro sweldo it mga trabahante halin sa presenteng ginasweldo nga P450 pesos kada adlaw.
