KALIBO, Aklan—Nagtuga it pagbug-at it trapiko ag alarma ro nakit-an nga maleta sa national highway nga sakop it Barangay Estancia, Kalibo sa mismong prente it gate it Estancia Elementary School bandang alas-8:00 it gabie.
Ro maleta hay mabaho ag gin-eaum nga may sueod raya nga kon alin nga bagay rason nga gilayon nga nagreport ro mga residente sa taeatapan it pulisya.
Insigidang nagresponde sa lugar ro mga awtoridad kaibahan ro Explosive Ordnance Disposal division it Aklan Police Provincial Office agud nga usisaon ro sueod it makadueoda nga maleta.
Nagbuhay it pilang minutos antes nabuksan ro maleta nga uwa it sueod nga maskin anu.
Mabasa sigon ro maleta nga raya ro ginhalinan it mabaho nga hugom bangud nga nainitan it sang adlaw.
Sa pag-usisa sa cctv footage sa lugar, sangka babaye ro nag-aywan it maleta bandang alas-5:00 it aga-aga, adlaw it Martes.
Apang, gabie eon raya nataeopangdan it mga residente bangud sa mabaho nga hugom.
